Google ADS

Vrasja në Ksamil: Tre pistat për ekzekutimin e biznesmenit

23:32 | 7 Qershor 2021
Trina Galanxhi

Kur kanë kaluar më shumë se 24 orë nga ekzekutimi i biznesmenit Gramoz Memaj në Ksamil ende nuk ka asnjë të arrestuar për krimin, ndërsa autorët ishin katër. Gazetarja Klodiana Lala u shpreh në “Opinion” se pistat ku policia dhe prokuroria po hetojnë janë tre.

“Pas vrasjes makina e autorëve është larguar në drejtim të Butrintit, por nuk kanë paguar faturën te trau, përmes të dhënave që do të merren nga pika e shërbimit, do të ketë edhe të dhëna dhe një lloj identikiti të personave.

Para 10 vitesh Mema ka jetuar në Britani, rrethi i tij shoqëror janë persona të skeduar, kjo është pista e parë. Dy ditë më parë debatoi me një të alkoolizuar, por kjo është pak e vakët.

Një detaj tjetër, po flitet edhe për lidhje problematike që ka pasur me një grua që mendohet se kishte një martesë, dhe që ky kishte një lidhje jo të shëndetshme, kishte tradhti bashkëshortore në mes. Ai jetonte herë pas here në Tiranë” tha ajo.

Biznesmeni jetonte me nënën, nuk ishte i martuar.

Shpërndaje në rrjete sociale

Lajmet më të lexuara

Të ngjashme

Foto lajm